«Ҡот һәм бәрәкәт милли кейем һәм биҙәүестәрҙә»

Район Мәҙәниәт йортонда төньяҡ-көнбайыш башҡорттарының милли кейемдәренә һәм биҙәүестәренә арналған «Ҡот һәм бәрәкәт милли кейем һәм биҙәүестәрҙә» тип исемләнгән муниципаль-ара семинар уҙғарылды.
Фойела милли кейемдәр күргәҙмәһе тәҡдим ителде. Бында Балыҡсы, Ҡыр-Танып, Һыу-Танып, Ғәйнә ырыуҙары үҙҙәренең традицион милли костюмдарын презентацияланы. Арала 150-250 йыл буйы ҡәҙерләп, быуындан быуынға тапшырылып һаҡланып килгән ҡомартҡылар ҙа бар.